導讀粵語系我嘅母語，粵語有自己嘅語系，有自己嘅文字，今日用粵語寫幾句。啱先出街，聽到幾個后生女講嘢，佢哋話，有啲女人年紀大佐，仲著得咁后生，真是睇唔過眼，乜嘢年....

粵語系我嘅母語，粵語有自己嘅語系，有自己嘅文字，今日用粵語寫幾句。

啱先出街，聽到幾個后生女講嘢，佢哋話，有啲女人年紀大佐，仲著得咁后生，真是睇唔過眼，乜嘢年紀就著乜嘢衫，著太后生就系作妖，年紀大咗就唔好孭背囊啦，孭個老人包咪得啰，如此種種。

靚女，你真系咁睇唔過眼咩。唔通你想你阿媽五六十歲著得似個七八十歲咩。

我想講，年紀大都可以扮靚嘅啫，年紀大咗就必須要著老年衫咩，咁咪仲老啰。著得年輕啲人都精神啲后生啲啦，邊個唔想靚架。

依家好多衫從廿幾歲到四五十歲都可以著，而且依家嘅女人又唔系似得五六十年代個時，要風吹日曬系田間耕種，特別系城市嘅女人，保養得好，即使五六十歲都顯得好年輕嘅，打扮時尚啲，人地睇得舒服，自己開心啲，有乜唔好呢？只要唔系鬼五馬六就Ok啦。我都著得好后生架，因為我都鐘意自己靚啲咯。

依家好多后生細仔都唔識講粵語喇，特別系細蚊仔，系屋企都講普通話。唔似得潮汕人，即使系外面講咩話，翻到屋企都講潮汕話。

粵語，真系要好好傳承落去先得，若果唔系，到下兩代就真系冇人識講喇。

你哋話系定唔系呢？

你哋話呢？有冇識睇粵語文字嘅朋友呢

#金粉社區#

#分享新生活#

#在頭條看世界#

圖片來自網絡